Khit Thit သတင်းဌာန၏ ဇူလိုင် ၁၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ တောင်ငူမြို့မှာရှိတဲ့ အကြမ်းဖက် စစ်ကောင်စီရဲ့ တောင်ပိုင်းတိုင်းစစ်ဌာနချုပ်၊ လေတပ် နဲ့ တပ်ရင်းတပ်ဖွဲ့တွေမှာ နေပြည်တော်က အေလာဆရာတော် နဲ့ ဘုန်းကြီးတွေကို ပင့်ဖိတ်ပြီး အန္တရာယ် ကင်းပရိတ် တရားနာတာတွေနဲ့ ယတြာအစီအမံတွေ ပြုလုပ်ခိုင်းနေတယ်လို့ တပ်တွင်း သတင်း ရင်းမြစ်တွေက ပြောပါတယ်။ - ပဲခူးတိုင်း၊ ဖြူးမြို့နယ်၊ အုတ်ဖြတ် ရဲစခန်း နဲ့ အုတ်ဖြတ် တံတားက အကြမ်းဖက် စစ်ကောင်စီတပ်ရဲ့ ဂိတ်စခန်းကို KNLA၊ ရိုးမစစ်ကြောင်း ၂ ပူးပေါင်း တပ်ဖွဲ့တွေကနေ တိုက်ခိုက်ခြေမှုန်းရာမှာ အကြမ်းဖက် စစ်ကောင်စီတပ်သား ၁၀ ဦး သေသွားတယ်လို့ ဒေသတွင်း တော်လှန်ရေး တပ်ဖွဲ့တွေက ရန်ကုန်ခေတ်သစ် ကိုပြောပါတယ်။ - စစ်ကောင်စီလက်အောက်ခံ တပ်ရင်းတပ်ဖွဲ့တွေက ပြည်သူတွေကို နိုင်ငံရေးနဲ့ ပတ်သက်တဲ့ အမှု တွေကို လိမ်လည် အမှုဆင်ပြီး ငွေညှစ်မှုတွေများလာတဲ့အပြင် ၊ အမျိုးသားတချို့ကိုလည်း စစ်တပ်ထဲကို အတင်းအဓမ္မ ခေါ်သွင်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
